Higartil eru 12 fólk staðfest deyð í einari spreinging á einari heilivágsverksmiðju í Telangana har suðuri í India í dag.
Umframt tey deyðu, hava fleiri fólk fingið løstir.
Sagt verður, at spreingingin var í heilivágspartinum á Sigachi Industries, sum verksmiðjan verður kallað, og her kom eisini eldur í.
Úr India verður sagt, at tíggju fólk vórðu staðfest deyð á staðnum, og tvey eru deyð á sjúkrahúsi.
- Fleiri enn 30 fólk eru innløgd á sjúkahús við løstum, verður lagt aftrat.
Tíðindastovan AFP veit at siga, at tað er ikki óvanligt, at spreingingar kunnu koma fyri í slíkum kemiskum virksemi.
##med2##
India rúmar fleiri av heimsins størstu heilivágsverksmiðjum, og landið er stórur veitari av heilivági og koppingarevnum.
Sagt verður, at Sigachi Industries Limited eigur fimm heilivágsverksmiðjur í India.
