Ongi ítróttarlig ella onnur krøv eru fyri at luttaka í tiltakinum, men Parasport Føroyar viðmælir, at fylgjarar koma við temum, ið hava trupult við at skilja boð ella á annan hátt hava størri tørv á stuðli. Høvið verður at royna ítróttirnar svimjing, boccia, fótbólt og fimleik. Tað skrivar Klaksvíkar kommuna.
Skrá
Kl. 10.00 Vælkomin
Kl. 10.15 Felags upphiting
Kl. 10.30 Ítróttir: fimleikur, svimjing og fótbóltur
Kl. 11.15 Stuttur steðgur
Kl. 11.15 Ítróttir: fimleikur, fótbóltur og boccia
Kl. 11.45 Miðmáli - allir luttakarar fáa eina ókeypis tvíflís og okkurt drekkandi
Kl. 12.15 Ítróttir: svimjing og boccia
Kl. 13.00 Takk fyri í dag
Praktiskt
Við tilmelding verður spurt um ymiskt, soleiðis at hóskandi bólkar kunnu verða settir saman.
Tilmelding fer fram á https://form.jotform.com/250133404169348
Ein lítil miðmáli er íroknaður, og tað verður mælt til at siga frá møguligum ovurviðkvæmi, tá ið tit melda til.
Møtið í ítróttarklæðum - ella havið venjingarklæðir og venjingarskógvar við. Tey, ið skulu svimja, mugu taka svimjiklæðir og handklæði við. Møguleiki er at skifta í skiftirúminum á staðnum.
Freistin at melda til er 22. januar
Um Special Olympics
Special Olympics er felagsskapur ið skipar fyri ítrótti til fólk við serligum tørvi. Annaðhvørt ár verður skipað fyri heimsleikum fyri tey ið eru serliga íðin í sínum ítrótti.
Parasport hevur havt luttakarar við í Special Olympisku summarleikunum síðani 2023, og er eisini ætlanin at verða við tá leikirnir verða í Chile í 2027.
Ongi krøv eru til diagnosur, tíðir ella annað tá ein kappast í Special Olympics, bert at man hevur serligan tørv, ger sítt besta, og venur regluliga.
Umfram at luttaka í heimsleikum, so luttaka føroyskir íðkarar javan í ymiskum smærri kappingum í Føroyum og ymsastaðni í Europa.
