Forsætisráðharrin í Stórabretlandi, Keir Stamer, er í dag í Kyiv, har hann skal hitta ukrainska forsetan, Volodomyr Zelenskyj.
Tað veit tíðndastovan, Reuters, at siga í morgun.
Í ukrainska høvuðsstaðnum skulu teir báðir undirskriva eina avtalu, sum sambært ætlanini skal galda í 100 ár.
Tað upplýsir skrivstovan hjá bretska forsætisráðharranum.
Avtalan byggir á búskaparligan og hernaðarligan stuðul til Ukraina, og hon fevnir eisini um størri samstarv um maritima trygd og dronutøkni.
- Avtalan snýr seg ikki bara um "her og nú", sum bretski forsætisráðharrin tekur til, men er ein íløga hjá báðum londunum fyri tey næstu 100 árini.
##med2##
Soleiðis hevur bretski forsætisráðharrin, Keir Stamer, sagt við bretskar miðlar.
Lagt verður aftrat, at Stórabretland áður hevur lovað Ukraina tríggjar milliardir pund á hvørjum ári - "so leingi, sum landið hevur brúk fyri tí".
