Ein dystur var leiktur í Burn mansdeildini í kvøld.
Í høllini á Hálsi tók Neistin móti Team Klaksvík í einum týðandi dysti í kapprenningini at tryggja sær fjórða plássið, ið gevur heimavøll í FM-fjórðingsfinaluni.
Í fyrra hálvleiki vóru klaksvíkingar omaná, og í steðginum var Team Klaksvík á odda 12-10.
Neistamenn løgdu hart út í seinna hálvleiki, og upp á fimm minuttir vendu teir støðuni 10-12 til eina 15-12 leiðslu. Team Klaksvík kom upp á 15-14, áðrenn neistamenn drógu frá aftur.
Tá tveir minuttir vóru eftir minkaðu klaksvíkingar um munin til 25-27, men við einum góðum endaspurti tryggjaði Neistin sær ein 30-25 sigur.
Neistin er á fjórða plássinum, men hevur bert ein dyst eftir at leika í grundspælinum. Hann er ímóti VÍF á heimavølli 2. apríl.
30. mars tekur Team Klaksvík móti VÍF á heimavølli, og 2. apríl spæla teir móti H71 á útivølli. StÍF hevur Kyndil á útivølli í annaðkvøld klokkan 20, og teir enda grundspælið 2. apríl við einum útidysti móti KÍF.
##med2##
Her er dómaraseðilin frá HSF:
##med3##