Stjørnan vann bólk 2 í Faxe Kondi kappingini, og Neistin gjørdist nummar tvey.
Stjørnan vann í høllini á Eiði 26-25 á EB. Tóra Eliasen skoraði sigursmálið hjá Stjørnuni tá bert trý sekund vóru eftir av dystinum.
Í steðginum var Stjørnan á odda 12-11.
Silja Geirsdóttir Eystberg var aftur stórskjútti hjá EB í dag. Hesaferð við 12 málum. Jancy Jógvansdóttir Poulsen var toppskjútti hjá Stjørnuni við átta málum.
Í høllini á Hálsi í Havn vann Neistin ein greiðan 21-15 sigur á StÍF. Í steðginum vóru neistakvinnur á odda 10-8. Tá 10 minuttir vóru eftir vóru neistakvinnur á odda 16-14. Tá øktu tær til 20-14 áðrenn strandakvinnur megnaðu at svara aftur.
Hervør Niclasen var toppskjútti hjá Neistanum við fimm málum. Toppskjútti hjá StÍF við fýra málum var Josefine Dyring.
Stjørnan og Neistin hava fýra stig hvør, og EB og StÍF hava tvey stig hvør. Stjørnan møtir H71 í hálvfinalunum, og Neistin møtir Kyndli.
HER eru dómaraseðlarnir hjá HSF frá dystunum á Eiði og í Havn:
##med2##
##med3##
