Soleiðis skrivar Sofus D. Poulsen, listamaður úr Havn, sum býr í Ringkøbing í Danmark.
Hann greiðir frá, at á flestøllum framsýningunum, bæði her heima og uttanlands, er tað tann føroyska bygdin, sum verður avmyndað.
– Tað er eisini hana eg máli. Bygdalagið við teimum lítlu húsunum, veitir, veltir og hagagrót. Kanska kemur ein skeivur peli við á myndina, sum aloftast skapar eitt slag av óreglusemi, ein kuriositetur sum Hoffmester, Kampmann, Whie oa hava brúkt. sigur Sofus D. Poulsen.
– Tað serstaka við føroyska landslagnum eru óiva litirnir, sum broytast alt eftir árstíðini. Grønt/okker, violett/grátt og so havið, sum bindur allar árstíðirnar saman og serstaka milda gráa ljósið, sum kennist fjálgt og heimligt.
##med2##
– Tað nýggja er kanska tað gamla, uppá ein máta. At ganga í haganum kendist púra náttúrligt at gera, tá ið eg var yngri. Hagani havi eg óteljandi vakrar og spennandi upplivingar, sum eru dírgripir á míni listarligu leið. Jú Føroyar eru vakrar, ongin ivi um tað, og spennandi er tað hvørja ferð eg byrji uppá ein nýggjan málning, sigur hann.
– Øll eru vælkomin at síggja framsýningina, sum er í døgunum frá 5. til 10. juni, sigur Sofus D. Poulsen.
