Ein bilførari ringdi til løgregluna í gjárkvøldið, tí hann helt, at eitt lamb var lopið inn í síðuna á bilinum og doyði á staðnum.
- Vit sendi boð eftir aktingarmanninum, og tá bilførarin ringdi aftur, visti viðkomandi at siga, at talan ikki var um eitt lamb, men um eina haru.
Í gjár gjørdi løgreglan ferðslukanningar ymsastaðni kring um landið, men her vísti tað seg, at allir bilførararnir vóru edrúir, og allir høvdu koyrikort.
- Ein bilførari í Vágum fekk bót fyri at brúka handhildna fartelefon, og tríggir bilførarar fingu bót, tí teir koyrdu ov skjótt í bygdum øki á Skálafjørðinum.
Vaktleiðarin visti eisini at siga, at av teimum trimum, sum koyrdu ov skjótt, fáa tveir - umframt bót - eisini klipp í koyrikortið.
