Frá mánadegi 11. august og væntandi til og við sunnudagin 17. august, verður nýggj rampa monterað við bryggjuna á Syðradali.
Meðan arbeiðið fer fram, verður ikki møguligt at flyta akfør millum Klaksvík og Syðradal á Kalsoynni.
Hetta skrivar ssl.fo.
Allar bíleggingar av akførum í hesum tíðarskeiði, íroknað eyka ferðandi í somu bílegging, vera strikaðar og peningurin afturgoldin innan nakrar dagar.
Ferðandi, ið ynskja at ferðast millum Klaksvík og Kalsoynna uttan akfar í nevnda tíðarskeiðið, kunnu bíleggja sær ferðaseðil.
Meira um hetta sæst á heimasíðuni hjá Strandferðsluni, ssl.fo.
