Kina fer at seta 34 prosent toll á allar amerikanskar vørur frá 10. apríl. Hesum boðaði kinesiska fíggjarmálaráðið frá í dag, sambært tíðindastovuni Reuters.
Hetta er svar uppá, at amerikanski forsetin, Donald Trump, mikukvøldið boðaði frá hækkaðum tolli.
Um allan heimin er óttin fyri afturgongd vaksin.
Fráboðanin frá Kina í dag fevnir ikki bert um eyka toll á innfluttar amerikanskar vørur, men eisini um útflutningseftirlit við sjey sjáldsomum jarðevnum, upplýsir ráðið.
Hetta er millum annað galdandi fyri yttrium, sum verður brúkt í ymiskum sløgum av elektronikki.
/ritzau/
