Teir eru ungir og lívligir, teir spæla melodiøsan og fangandi rocktónleik, og nú skulu teir framføra á landsins størsta tónleikatiltaki.
Adrenaline er rockbólkur úr Klaksvík, og teir vera tí á heimavølli, tá ið teir í august skulu hava konsert í tjaldinum á Summar Festivalinum.
Adrenaline hevur útgivið fleiri væl umtóktar sangir – eitt nú "Bjarta", "Spillikassin" og "Eg vil koyra skjótari". Teir hava eisini havt framførslur kring landið og hava luttikið í tónleikakappingunum Sement og Stella Polaris.
Teir eru framfýsnir og undirhaldandi á palli og hava vunnið sær trivaligan fjepparaskara.
Teir, sum spæla í Adrenaline, eru Jónas Jacobsen (sang), Tórður Sóleyarson (gittar), Niclas Høgnesen (bass) og Høgni Sørensen (trummur).
Summar Festivalurin verður hildin dagarnar 3. til 5. august.
(Tíðindaskriv frá Summar Festivalinum)
