Í nátt hevur aftur verið lopið á støð í Russlandi.
- Í nátt hevur eitt ukrainskt bumbuálop verið móti einari streymstøð í Russlandi.
Tað sigur guvernørurin í Kursk-regiónini í Russlandi sambært tíðindastovuni, Reuters.
Guvernørurin leggur aftrat, at tveir býir í regiónini mistu streymin, og ein maður fekk løstir í álopunum.
Sambært Reuters er óvist, um streymurin í økinum er komin aftur.
Týsnáttina fór stóra Kakhovka-byrgingin í Kherson-regiónini í knús.
Enn er ikki staðfest, hvør stóð aftanfyri atsóknina, og málið var til viðgerðar í ST-trygdarráðnum í gjár.
Stór øki á Kherson-leiðini liggja undir í vatni.
Fleiri túsund fólk í økinum eru flutt burtur, eins og stúrt verður fyri, at fólk eru deyð í vatnflóðini.