Fótbóltsumfarið hjá Betri deildini monnum og kvinnum, og 1.deild og 2.deild hjá monnum er útsett orsaka av veðrinum. Tað hevur verið nógvur kavi í vikuni og tað hevur ávirkað venjingarumstøðurnar hjá feløgunum.
Í Betri deildini hjá monnum er talan um annað umfarið upp í slag, ið verður útsett. 2. umfar bleiv útsett farna vikuskiftið, og nú er 3. umfar eisini útsett. Tað merkir, at spælararnir í føroysku kappingini bara hava spælt ein dyst undan landsdystunum móti Moldova og Norðurmakedónia, sum verða í komandi viku.
Tað er enn ikki greitt nær dystirnir verða spældir.