Tey fimm partrolarapørini, sum í løtuni eru til fiskiskap eftir upsa, hava brúkiligan fiskiskap.
Skipini fáa eisini nakað av hvítum fiski, eitt nú toski, longu, hvítingi og hýsu.
- Onkur pør koma inn at landa í næstu viku, vita tey á Fiskamarknaði Føroya at siga.
Ein djúpvatnstrolari er á kongafiskaveiði. Teir koma væntandi inn at landa miðskeiðis í næstu viku.
Í løtuni eru fýra av teimum smáu trolbátunum til fiskiskap. Tveir koma inn at landa mánadagin, og tveir koma seinni í vikuni.
- Trolbátarnir hava mest av havtasku, toski, hýsu og so nakað av flatfiski.
Á Fiskamarknaði Føroya siga tey, at fýra garnaskip eisini eru til fiskiskap. Tvey fiska svartkalva, og tvey fiska havtasku.
- Garnaskipini hava brúkiligan fiskiskap, og tey koma øll inn at landa í næstu viku, verður lagt aftrat.