Danska heimasíðan, Handballtransfers.dk skrivar, at tveir landsliðsleikarar sum hava roynt seg í norskum hondbólti nú er á veg til gamla felagið hjá Vilhelmi Poulsen, Lemvig-Thyborøn.
Lemvig-Thyborøn flutti niður úr bestu deildini farna kappingarár, men ætlar sær sum skjótast upp aftur í bestu deildina.
Sambært Handballtransfers er talan um Kjartan Johansen og Nicholas Satchwell.
Hetta hevur Handballtransfers frá keldum, men enn er hetta ikki alment váttað.
Kjartan hevur roynt seg í Bækkelaget seinnu árini, meðan Nicholas farna kappingarár royndi seg í Viking TIF.
