Seks fólk eru deyð í einum ukrainskum dronuálopi í russiska Belgorod-landspartinum. Harumramt eru 35 fólk særd.
Tað upplýsir guvernørurin í Belgorod, Vjatjeslav Gladkov.
Álopið rakti fleiri bilar, sum fluttu russisk arbeiðsfólk.
Tað er ógreitt, hvat fyri »arbeiarar« talan var um.
– Tíverri doyðu seks persónar av skaðunum á staðnum av spreingingunum, sigur Vjatjeslav Gladkov.
Álopið var nærindis bygdini Berezovka.
Belgorod-landsparturin hevur mark til Ukraina í vestara parti av Russlandi.
Síðani á nýggjárinum hava verið fleiri álop ímóti málum í Belgorod. Russland heldur, at tað er Ukraina ella pro-ukrainskir bólkar, sum hava ábyrgdina av álopinum.
/ritzau/AFP
