Í løtuni er eitt ísfiskalínuskip á Íslandsrygginum, og eitt av teimum smærru ísfiskalínuskipunum er á Føroyabanka.
- Bæði skipini koma inn at landa í næstu viku. Tey fáa mest av toski, hýsu og so nakað av longu, svartkalva og brosmu.
Tað vita tey á Fiskamarknaði Føroya at siga í dag.
Umframt ísfiskalínuskipini, eru eisini sjey frystilínuskip til fiskiskap í løtuni.
- Fýra eru á landgrunninum, eitt á Íslandsrygginum, eitt í Íslandi, og eitt fiskar í Grønlandi. Skipini fáa eina blanding av toski, hýsu og brosmu.
Um útlitini til útróður, verður sagt, at streymurin er harður, men hann batnar, sum næsta vika gongur.
- Fiskiskapurin hjá útróðrarbátum á landgrunninum er smáligur, men bátarnir hava góðan fiskiskap á Føroyabanka.
Lagt verður aftrat, at útróðrarbátarnir fáa mest av toski og hýsu.
