Hann hevur seinastu átta árini verið stjóri í GroAqua (fyrr JT Electric) á Kambsdali.
Hann er útbúgvin maskinmeistari og íløguráðgevi, og hevur seinastu 25 árini virkað innan nógvar vinnur, sum maskinsmiður á Skála Skipasmiðju, maskinmaður hjá Maersk, íløguráðgevi í Betri Banka, sølu- og marknaðarstjóri hjá Vodafone og seinastu sjey árini sum forstjóri í GroAqua.
Í 2023 varð hann eisini kosin ársins leiðari innan privata vinnulívið. Her var serliga nevnt avrikið at venda gongdini hjá JT Electric og menna GroAqua frá einari miðalstórari føroyskari fyritøku til ein altjóða veitara upp á sera stutta tíð við fokus, nútímans leiðsluhátti og framfýsnari virkismentan.
##med2##
##med3##
Suni er 43 ár, og býr í Leirvík saman við konuni Elly Justinussen og teirra fýra børnum.
##med4##
##med5##
Orkufelagið Magn verður í ár 100 ár. Felagið rekur tilsamans 11 Magn-støðir kring landið. Høvuðsskrivstovan er á Viðarnesi í Havn, og deildarskrivstovur eru í Klaksvík og á Tvøroyri. Felagið hevur ein flota av tangabilum, sum hvønn dag veita olju til skip, virkir og húsarhald um allar Føroyar. Magn hevur hitatænastu, smyrjioljuveitingar og aðrar tænastur um alt landið. Magn hevur saman við LÍV-samtakinum bygt og rekur vindmyllulundina í Flatnahaga við seks vindmyllum. Umleið 155 fólk starvast hjá Magn.
##med6##
##med7##
##med8##
##med9##
##med10##
##med11##
##med12##
