Í kvøld verða tvær tær fyrstu av seinnu uppgerðunum í 1/8 finalunum í Champions League. Bayern Munchen skal venda uppgerðini móti Lazio, meðan Paris Saint Germain bara skal halda høvdið kalt í San Sebastián.
Bayern Munchen (0) – (1) Lazio (20.00)
Tað eru tvey lið, sum hava eina misjavna gongd í heimligu kappingini, ið møtast á Allianz Arena í kvøld. Bayern Munchen sær út til at tapa dystin um týska meistaraheitið, sum felagið annars hevur vunnið 11 tær seinastu ferðirnar. Felagið hevur eisini boðað frá, at venjarin – Thomas Tuchel – gevst í summar.
Gestirnir hava tapt fýra av teimum seks seinastu dystunum. Lazio hevur ikki verið í eini fjórðingsfinalu í Champions League síðani aldarskiftið. Í løtuni er Ciro Immobile munurin. Hann skoraði einsamalla málið í fyrru uppgerðini.
Væntaðar uppstillingar:
Bayern: Neuer; Kimmich, Dier, Kim, Davies; Pavlovic, Goretzka; Tel, Müller, Musiala; Kane
Leikbann: Upamecano
Lazio: Provedel; Marušić, Mario Gila, Romagnoli, Hysaj; Guendouzi, Vecino, Luis Alberto; Isaksen, Immobile, Felipe Anderson
Real Sociedad (0) – (2) Paris Saint Germain (20.00)
Tað verður brúk fyri øllum kreftum í San Sebastián, um Real Sociedad skal koma víðari í kvøld. Heimaliðið hevur bara vunnið ein av seinastu níggju dystunum, og 2-0 tapið í fyrru uppgerðini smakkar illa, tí liðið hevði møguleikar í fyrra hálvleiki.
Gestirnir fyrireika seg til eitt lív uttan Kylian Mbappé, sum í summar sigst fara til Real Madrid. Hann bleiv millum annað skiftur út í hálvleikinum móti Monako um vikuskiftið. Koma fronsku meistararnir illa frá byrjan í kvøld, so er ivast um Kylian Mbappé verður skiftur út.
Real Sociedad: Remiro; Galán, Zubeldia, Le Normand, Traoré; Merino, Zubimendi, Méndez; Oyarzabal, André Silva, Kubo
Ikki við: Elustondo, Odriozola, Carlos Fernández
PSG: Donnarumma; Hakimi, Marquinhos, Beraldo, Hernández; Zaïre-Emery, Vitinha, Fabián Ruiz; Dembélé, Mbappé, Barcola
Ikki við: Kimpembe, Škriniar, Asensio
Champions League fyrru 1/8:
RB Leipzig – Real Madrid 0-1
FCK – Manchester City 1-3
PSG – Real Sociedad 2-0
Lazio – Bayern Munchen 1-0
PSV – Borussia Dortmund 1-1
Inter Milan – Atletico Madrid 1-0
Napoli – FC Barcelona 1-1
FC Porto – Arsenal 1-0