Liðið hjá føroyska málverjanum, Silju A. Müller og liðfelagarnir í Vali fingu eitt gott úrslit í útidysti í European Cup.
Í fyrru áttandapartsfinaluni eydnaðist tað Vali at fáa javnleik 25-25 móti Malaga. Í steðginum var Valur á odda 15-13.
Hafdís Renötudóttir vardi málið hjá Vali næstan allan dystin. Bert hendingaferð vóru boð eftir Silju í dag.
Komandi leygardag klokkan 16.30 tala valskvinnur móti Malaga á heimavølli í høllini á Hlíðarenda í Reykjavík, har tær fara at stríðast fyri at røkka fjórðingsfinalunum í European Cup.
