Áki D. Samuelsen fekk 85 minuttir á vøllinum, tá hann og liðfelagarnir í Ranheim spældu dyst á útivølli móti Moss í næstbestu norsku fótbóltsdeildini.
Í fyrsta umfarinum tapi Ranheim 0-3 fyri Lyn Oslo á heimavølli, og í dag var aftur talan um tap.
Moss vann 2-0 á Ranheim í dag, hóast útiliðið hevði bóltin meira og hevði fleiri royndir innanfyri málrammurnar hjá mótstøðuliðnum.
Sostatt hava Áki og liðfelagarnir til góðar at skjóta fyrsta málið og fáa til høldar fyrsta stigið í kappingini.
Sunnudagin 13. apríl spælir Ranheim dyst í norsku steypakappingini móti Sverresborg úr fjórðbestu deildini.
Hóast útivøll er tað ein dystur Ranheim burdi vunnið, men í fótbólti er einki givið. Høvið at fáa mál og ein sigur er tó ikki nógv betur.
