Fleiri avropeiskir leiðarar hava funnist hvassliga at russisku krígsførsluni í Ukraina seinastu dagarnar, har fleiri sivilfólk hava latið lív.
Millum ríkisleiðararnar er eitt nú franski forsetin, Emmanuel Macron, sum serliga átalar Russland fyri álopið á býin, Kryvyij Rih, har níggju børn lótu lív.
- Meðan Ukraina góðtók uppskotið hjá Donald Trump um eina fullkomna og treytaleysa vápnahvíld í 30 dagar fyri næstan einum mánað síðan, heldur Russland fram við sínum álopum - uttan at taka atlit til sivilfólk.
Soleiðis skrivar Emmanuel Macron á X, fyrrverandi Twitter. Forsetin heldur, at neyðugt er við hørðum átøkum, um Russland ikki tekur undir við einari vápnahvíld.
Hann heldur, at neyðugt er, at ein vápnahvíld fæst í lag skjótast gjørligt.
- Hvussu leingi ætlar Russland at ignorera amerikansku friðarroyndirnar og Ukraina við at halda fram við at drepa børn og sivil, spyr Emmanuel Macron.
Lesið eisini - https://www.in.fo/news-detail/russar-drupu-niggju-boern-i-heimbynum-hja-zelenskyj
