Bretski miðbankin, Bank of England, hevur hildið kreppufundir við altjóða miðbankar í dag í kjalarvørrinum á vaksandi stúranini í sambandi við órógvið kring stórbankan Cridit Suisse.
Tað skrivar bretska blaðið The Telegraph sambært tíðindastovuni Reuters.
Boðini koma eftir ófrið kring sveisiska bankan og nýggja stúran fyri eini altjóða bankakreppu, sum setir sín dám á altjóða fíggjarmarknaðirnar.
Bank og England hevur sambært Reuters ikki vilja viðmerkt málið.
Í dag misti Credit Suisse næstan ein fjórðing av virðinum.
Í loypi av degnum varð handil við partabørvum í bankanum fleiri ferðir steðgaður, tí kursurin fall brádliga upp á stutta tíð.
Tað hendir, eftir at bankin í gjár almannakunngjørdi ársroknskapin fyri 2022.
Har upplýsti Credit Suisse, at kundar vóru farnir frá bankanum og tikið 120 milliardir dollarar við sær í síðsta ársfjórðingi í fjør.
Kursfallið tók dik á seg eftir øllum at døma, eftir at størsti partaeigarin í bankanum, Saudi National Bank, segði altjóða vinnumiðlum, at hann ikki vildi seta fleiri pengar í bankan.
Tjóðbankin í Sveis, SNB, boðaði fyrr á degnum frá, at hann er klárur við gjaldføri til Credit Suisse, um tað skuldi verið neyðugt.
/ritzau/