Liðskiparin hevur góðar vónir til UEFA Nations League dystirnar móti Moldova og Gibraltar, sum vera í morgin, fríggjadagin, og týsdagin
– Hetta verða tveir tættir dystir, men vit fara eftir sigrinum. Tað sigur liðskiparin, Ásla Johannesen millum annað í samrøðu við FSF Varpið.
Í morgin, fríggjadagin 4. apríl tekur føroyska kvinnulandsliðið ímóti Moldova á Tórsvølli. Dysturin byrjar klokkan 17:00.
Hópurin hevur verið savnaður síðani týsdagin, og nú verður seinasta hond løgd á fyrireikingarnar til fyrra dystin í hesum umfarinum. Týsdagin fáa føroysku kvinnurnar vitjan av Gibraltar.
HER ber til at síggja og hoyra samrøðuna Heðin Arge frá FSF-varpinum hevur gjørt við Áslu Johannesen:
##med2##
Kringvarpið stroymir dystin á kvf.fo frá klokkan 16.45, og FM1 sigur beinleiðis frá dystinum frá klokkan 16.55.
