Håkan Ericson, landsliðsvenjari, hevur úttikið hópin til EM-undankappingardystirnar móti Kekkia og Albania, sum verða leygardagi 17. juni klokkan 19.45 og týsdagin 20. juni klokkan 19.45.
Tað eru nakrar broytingar á landsliðnum. Brandur Hendriksson er aftur á landsliðnum eftir drúgvan skaða. Eisini Jóannes Bjartalíð er við. Hann sat yvir tveir teir fyrstu dystirnar í ár. Meinhard E. Olsen hevur fingið ein skaða í knæið og spælir ikki fyribils. Í hansara stað er komin Andrass Johansen úr B36.
Í álopinum eru nakrar broytingar. Petur Knudsen, Hannes Agnarsson og Jóan Símun Edmundsson eru við fyri Pætur Petersen, Patrik Johannesen og Páll A. Klettskarð. Eisini er Sonni Ragnar Nattestad komin aftur á landsliðið. Hann avloysir Andrias Edmundsson.
Í málinum er Teitur M. Gestsson við aftur. Hann sat yvir í venjingardystunum fyrr í ár.
- Vit fingu ein smakk av styrkini hjá Kekkia, tá vit spældu móti teimum fyri ikki so langari tíð síðan. Nú vóna vit at geva teimum størri mótstøðu, sigur Håkan Ericson.
Hópurin:
Teitur Matras Gestsson, HB Tórshavn
Mattias Heðinsson Lamhauge, B36 Tórshavn
Bárður á Reynatrøð, Víkingur
Gilli Rólantsson Sørensen, TB
Hanus Sørensen, HB Tórshavn
Viljormur Davidsen, HB Tórshavn
Sonni Ragnar Nattestad, B36
Odmar Færø, KÍ Klaksvík
Heini Vatnsdal, KÍ Klaksvík
Gunnar Vatnhamar, Víkingur
Rógvi Baldvinsson, Bryne IF (Noreg)
Jákup Biskopstø Andreasen, KÍ Klaksvík
Jóannes Bjartalíð, Frederikstad FK (Noreg)
Mads Boe Mikkelsen, KÍ Klaksvík
Andrass Johansen, B36
Ári Mohr Jónsson, HB Tórshavn
Sølvi Vatnhamar, Víkingur
Stefan Radosavljevic, Sligo Rovers FC (Írland)
René Shaki Joensen, KÍ Klaksvík
Klæmint Andrasson Olsen, Breiðablik (Ísland)
Brandur Hendriksson, Frederikstad FK (Noreg)
Petur Knudsen, Lyngby (Danmark)
Hannes Agnarsson, B36
Jóan Símun Edmundsson, S.K. Beveren 8Belgia)
Leikskráin:
24. mars Moldova – Føroyar 1-1
27. mars Norðurmakedónia – Føroyar 1-0 (venjingard.)
17. juni Føroyar – Kekkia
20. juni Føroyar – Albania
7. sept. Pólland – Føroyar
10. sept. Føroyar – Moldova
12. okt. Føroyar – Pólland
15. okt. Kekkia – Føroyar
16. nov. Noreg – Føroyar (venjingard.)
20. nov. Albania – Føroyar
