Fyrrverandi forsetin í USA Donald Trump skriva á sosiala miðlinum Truth Social, at hann fer at verða handtikin týsdagin. Hann heitir á viðhaldsfólk um at mótmæla.
Trump vísir til innlegg sítt um »ólógliga liknir upplýsingar« frá ákærumyndugleikanum á Manhattan í New York.
Hann skrivar, at einki prógvað lógarbrot er framt, og hann sigur, at alt málið ímóti honum er grundað á »eina gamla og púrasta afturvísta søgu«.
Innleggið hjá Trump er lagt út í tveimum pørtum á hansara egna sosiala miðli. Tað er skrivað bara við stórum stavum, og fyrrverandi forsetin ger greitt á fleiri hættir, at USA er liðugt, at at »víðgongdir vinstravongsanarkistar hava stolið forsetavalið«.
– Amerikanski dreymurin er deyður! skrivar hann.
Amerikanskir miðlar hava seinastu vikuna tosað um, at ein ákæra ímóti Trump er á veg og fer at verða almannakunngjørd um stutta tíð.
Trump hevur ikki sagt, hvørjar ákærur eru reistar ímóti honum.
Økisákærin á Manhattan Alvin Bragg og lið hansara fóru fyrr í ár undir at leggja fram prógv fyri eini dómsnevnd, sum kannar útgjalding upp á 130.000 dollarar (947.000 krónur).
Michael Cohen, fyrrverandi persónligi advokaturin hjá Trump, útbetalti pengarnar til pornustjørnuna Stormy Daniels udnir forsetavalinum í 2016.
Daniels, hvørs rætta navn er Stephanie Clifford, sigur, at hon hevði kynsligt samband við Trump tíggju ár frammanundan. Trump hevur víst aftur, at hann hevði eina kynsligt samband við hana.
The New York Times hevur eisini skrivað, at tað er í hesum máli, at Trump verður ákærdur.
New York Times skrivar, at ákærar áður hava boðið Trump at vitna fyri eini dómsnevnd, sum hevur hugt eftir prógvunum. Eitt slíkt tilboð er sambært blaðnum næstan altíð tekin um, at ein ákæra er á veg.
Ein dómsnevnd er ein bólkur við fleiri persónum, sum verða tilnevndir fyri at gera av, um grundarlag er fyri at reisa ákæru í einum máli.
