Í morgun lokala tíð mátti eitt flogfar frá suðurkoreanska flogfelagnum Jeju Air aftur til altjóða flogvøllin Gimpo í Seoul, eftir at hava funnið ein trupulleika við lendingarbúnanum eftir fráferð.
Tað upplýsir tíðindastovan AFP.
Flogfarið var frá sama felag og sama modelli sum tað, sum gleið av flogbreytini og datt niður á altjóða flogvøllinum í Muan í Suðurkorea sunnudagin, har 179 fólk doyðu.
Í einum video frá vanlukkuni á Muan flogvøllinum sæst, at lendingarbúnaðurin ikki varð settur í verk.
Flogfarið, sum í morgun fekk ein trupulleika við lendingarbúnanum, var á veg móti oynni Jeju, sunnan fyri suðurkoreanska meginlandið.
Flogfarsmodellið, sum er við í báðum hendingunum, er Boeing 737-800.
Lendingarbúnaðurin kom í ordan aftur, men avgerðin var longu tikin um at fara aftur til Gimpo altjóða flogvøllin í Seoul, soleiðis at eitt gjølla eftirlit kundi gerast av flogfarinum.
