Ein ukrainskur hermaður vísir eina Shahed-dronu, sum er framleidd í Iran. (Arkivmynd). - Mynd: Efrem Lukatsky/Ritzau Scanpix

ES revsar Iran fyri at lata Russlandi rakettir

Stuðulin frá Iran til kríggið hjá Russlandi í Ukraina hevur í dag havt við sær nýggj revsitiltøk hjá ES móti fleiri iranskum havnum, skipum og reiðaríum.

Eirikur Lindenskov

18.11.2024 (18:28)

Ein ukrainskur hermaður vísir eina Shahed-dronu, sum er framleidd í Iran. (Arkivmynd). - Mynd: Efrem Lukatsky/Ritzau Scanpix

Hetta skrivar tíðindastovan Reuters.

Revsitiltøkini miða móti havnum og skipum, sum hava verið brúkt til at flyta álopsdronur, rakettir og komponentar, sum eru framleiddir í Iran.

Iran hevur latið Russlandi vápn undir krígnum í Ukraina. Til dømis hevur russiski herurin fleiri ferðir brúkt Shahed-dronurnar, sum eru framleiddar í Iran, til at raka mál í grannalandinum.

Leingingin av revsitiltøkunum kemst av upplýsingum um, at Iran hevur flutt ballistiskar rakettir til Russlands.

/Ritzau/