Faxe Kondi: H71 og VÍF vunnu seg í hálvfinalurnar úr bólki 1

Tveir teir seinastu dystirnir í bólki 1 í Faxe Kondi kappingini hjá kvinnum vóru leiktir í kvøld.

Í Hoyvíkshøllin tryggjaði H71 sær bólkasigurin í bólki 1 við at vinna greiðan 37-27 sigur á Stjørnuni. Í steðginum var H71 á odda 22-14.

Anna Elisabeth H. Weyhe var toppskjútti hjá H71 við heili 13 málum. Durita Ljósstein Johansen skoraði sjey mál fyri Stjørnuna.

VÍF tryggjaði sær annað plássið og harvið pláss í hálvfinalunum við einum 37-29 sigri á EB í høllini í Vestmanna.

Í fyrra hálvleiki vóru eiðiskvinnur væl við, og í steðginum var VÍF bert á odda við einum máli, 18-17. 

Tá 43 minuttir vóru farnir av dystinum var VÍF bert á odda 24-23. Tá kom VÍF upp á eina 27-23 leiðslu, og eftir tað hevði heimaliðið tamarhald á dystinum.

Fríða Nolsøe Olsen var toppskjútti hjá VÍF við heili 12 málum. Talita Alves skoraði 10 mál fyri EB.

HER ber til at síggja dómaraseðilin frá HSF frá dystinum VÍF-EB 37-29 (18-17):

##med2##

HER ber til at síggja dómaraseðilin frá HSF frá dystinum H71-Stjørnan 37-27 (22-14):

##med3##