Føroyskt gull og silvur í fimleiki

Skipað verður fyri Inter Island Games, tey árini fimleikur ikki er umboðaður á Oyggjaleikum. Í dag var kappast í FIG allround kappingini. Tá verður kappast á øllum amboðum – 6 hjá monnum og 4 hjá kvinnum. Vinnarin hevur samanlagt flest stig.

Aron vann sannførandi hjá monnum. Hann var nærum fýra stig framman fyri næsta íðkara. Hjálmar Dalsgarð endaði á fjóðra plássi bert 0,300 stig frá bronsuni. Bjarki Johannessen gjørdist nummar 5 hjá monnum.

##med2##

Mia Højgaard vann silvur hjá kvinnum. Meðan Astrid Nanley Breckmann endaði á fjóðra plássi bert 0,351 stig frá bronsuni.

Mikudagin kappaðust føroysku fimleikarnir í SET kappingini, og tá vunnu tey heili 8 gull heiðursmerki, 4 silvur heiðursmerki og 4 bronsu heiðursmerki, umframt vunnu mennirnir gull í liðkappingini, og kvinnurnar vunnu silvur. Marin Danielsen luttók í kappingini fyri juniorar, hon hevur samanlagt vunnið 5 gull heiðursmerki og tvey bronsu heiðursmerki.

##med3##

Í morgin vera finalurnar í einstøku amboðunum, og føroysku fimleikarnir hava vunnið sær pláss til nógvar finalur. Mia Højgaard hevur tryggjað sær pláss í øllum finalunum hjá kvinnum. Meðan Astrid Nanley Breckmann hevur vunnið sær pláss til finalurnar í lop, barr og gólv, og Gunnvá Mørkøre vann seg til finaluna í bita.

Hjá monnum tryggjaði Aron D. Jacobsen sær pláss í øllum finalunum undantikið lop. Fyri at tryggja sær pláss í lop finaluni, skal fimleikarin leypa tvey lop. Aron leyp bert eitt lop, tí verður hann ikki við í lop finaluni. Men tveir aðrir føroyingar hava longu tryggjað sær pláss í lop finaluni, Bjarki Johannessen og Teitur Karbech í Hjøllum. Bjarki Johannessen hevur eisini vunnið sær pláss í finaluni í rekk. Umframt hevur Hjálmar Dalsgarð tryggjað sær pláss í trimum finalum ávikavist í gólv, ringum og paralell barr, og Rókur Vestergaard hevur tryggjað sær pláss í finaluni í beinsveiggj.

Her sæst hvørjar kvinnur hava vunnið seg í finalurnar í ymisku amboðunum:

Her sæst hvørjir menn hava vunnið seg í finalurnar í ymisku amboðunum: