Síðan Russland leyp á Ukraina í februar 2022, er fólkatalið í landinum minkað við meira enn 10 milliónum.
Tað veit ein stovnur undir ST at siga, sum hevur við fólkatal í Eysturevropa og Miðasia at gera.
Leiðari fyri stovnin er Florence Bauer.
Hon sigur, at orsøkin til minkingina í fólkatalinum er, at fólk eru flýdd undan krígnum hesi árini.
- Haraftrat hevur minkingin í fólkatalinum gingið útyvi burðartíttleikan í Ukraina, leggur hon aftrat.
Tað er tíðindastovan, NTB, sum endurgevur Florence Bauer um minkandi fólkatalið í krígsherjaða landinum.
Vit kunnu leggja aftrat, at fyri fáum árum síðan búðu 43,5 milliónir fólk í Ukraina.
##med2##