Í løtuni eru fimm partrolarapør til fiskiskap eftir upsa, men fiskiskapurin er misjavnur.
Av djúpvatnstolarunum eru tríggir frystitrolarar til fiskiskap, og teir eru allir á Íslandsrygginum.
- Væntandi koma tveir - ella møguiga tríggir - inn at landa í vikuni, siga tey á Fiskamarknaði Føroya.
Av teimum smáu trolbátunum eru fimm til fiskiskap í løtuni. Teir fiska tosk og hýsu og fáa eisini nakað av flatfiski.
- Fýra trolbátar koma væntandi inn at landa fyrst í hesi vikuni, og hin seinasti kemur helst síðst í vikuni.
Lagt verður aftrat, at trý garnaskip fiska svartkalva. Skipini hava brúkiligan fiskiskap og koma øll inn at landa síðst í vikuni.
