Håkan Ericson, landsliðsvenjari, byrjaði tíðindafundin á Tórsvølli í dag við í skemti at ynskja øllum vælkomin til landsliðsúttøkuna í íshokki. Hóast nógvan kava og kulda, so var nógv fólk komið til landsliðsúttøkuna.
Hann greiddi millum annað frá, hví spælarar sum Gunnar Nielsen, Sonni Ragnar Nattestad, Hallur Hansson, Brandur Hendriksson, Jóannes Bjartalíð og Jóan Símun Edmundsson ikki eru við hesaferð.
- Gunnar Nielsen umhugsar í løtuni støðuna sum fótbóltsspælari og er ikki við. Sonni Ragnar hevur havt ein misjavnan uppstart við skaðum. Hallur Hansson og Brandur Hendriksson eru langtíðarskaddir, Jóannes Bjartalíð fekk ein skaða og Jóan Símun Edmundsson hevur ikki spælt síðani sigurin á Turkalandi í fjør, sigur Håkan Ericson.
Hann legði afturat, at Moldova var ein torfør uppgáva seinast og verður einki øðrvísi hesaferð.
- Hetta eru tveir torførir dystir. Moldvoa er kropsliga væl fyri, sum vit sóu seinast við møttu teimum í Moldova. Norðurmakedónia er ein teknsikt gott fótbóltslið, sum í mun til Moldova ikki er eins kropsliga sterkt, sigur landsliðsvenjarin.
Føroyar spæl á útivølli móti Moldova 24. mars og Norðurmakedónia 27. mars.
##ms##
Hópurin:
Teitur M. Gestsson, HB
Mattias H. Lamhauge, B36
Bárður á Reynatrøð, Víkingur
Gilli Rólantsson
Hanus Sørensen, HB
Viljormur Davidsen, HB
Daniel Johansen, FC Fredericia
Odmar Færø, KÍ
Heini Vatnsdal, KÍ
Gunnar Vatnhamar, Víkingur
Andrias Edmundsson, Águilas FC
Jákup B. Andreasen, KÍ
Noah Hans Mneney, Bryne
Meinhard E. Olsen, Mjøndalen
Mads B. Mikkelsen, KÍ
Ári M. Jónsson, HB
Sølvi Vatnhamar, Víkingur
Stefan Radosavljevic, Sligo Rovers
René Shaki Joensen, KÍ
Klæmint A. Olsen, Breiðablik
Patrik Johannesen, Breiðablik
Páll A. Klettskarð, KÍ
Pætur Petersen, KA Akureyri