Reuters veit seinnapartin í dag at siga, at Ukraina hevur lopið á eina russiska vápnaverksmiðju.
- Verksmiðjan framleiðir spreingievni, lóður og sonevnd termobasisk vápn.
Sagt verður, at verksmiðjan liggur við býin, Krasnozavodsk í Moskva-regiónini.
Ukrainska herleiðslan váttar á Telegram, at verksmiðjan er álopin.
Reuters leggur aftrat, at tey higartil ikki hava fingið endaliga staðfest ukrainska álopið og tess avleiðingar.
Helst verður meira at frætta um hetta seinni.
