Hotellið hevur 81 rúmlig kømur við fýra stjørnum, eina matstovu og fundarhølir við plássi til upp til 300 fólk.
Nú verður lýst til navnakapping til nýggja hotellið, sum verður bygt í Klaksvík.
Hotellið verður staðsett beint norðan fyri Biskupstorg í Klaksvík, út móti vágni, har tað hevur frálíkt útsýni í allar ættir. Høvuðsinngongdin verður suðureftir, vend móti Biskupstorgi.
Við síni serligu staðseting verður hotellið ein týðandi og eyðsýndur bygningur í Klaksvík:
- Staðsett partvís í sjónum, sum ger tað heilt serstakt
- Liggur mitt í hjartanum av býnum
- Kann gerast ein altjóða ráðstevnumiðdepil
– Nú er tíðin komin at geva hotellinum eitt navn, og tí skipa vit fyri navnakapping! Øll eru vælkomin at senda inn síni uppskot til navnakapping@gistogvist.fo í seinasta lagi 10. apríl kl. 23.59. Vinnarin fær eina peningagávu á 7.000 kr.
Um tey innsendu uppskotini ikki verða mett nøktandi, verður ongin vinnari kosin, verður sagt.
