Myndugleikarnir í Russlandi halda undan, tá spurningar verða reistir um sjónligu skaðarnar, sum teir skuldsettu eftir yvirgangsatsóknina í Moskva hava.
- Eg fari at lata henda spurning standa ósvaraðan, segði Kreml-talsmaðurin, Dmitrij Peskov, tá eitt tíðindafólk í dag vístu á sjónligu løstirnar, sum tey skuldsettu hava.
Talan er sjálvsagt um ógvusligu yvirgangsatsóknina seinasta fríggjakvøld á konserthúsið, Crocus City Hall, í útryðjuni av Moskva.
Higartil hevur álopið kostað 137 fólkum lívið.
Allir teir fýra skuldsettu høvdu nevniliga sjónlig tekin um skamfaring, tá teir vórðu førdir inn í rættarsalin í Moskva í gjár.
Tann eini persónurin millum tey skuldsettu, sum varð førdur inn í rættarsalin, var knappliga við vit.
Russiskir miðlar vita at siga, at teir skuldsettu vórðu píndir av russiskum trygdardeildum undir avhoyringunum.
##med2##
Støðan, sum skuldsettu hava verið í undir avhoyringum, reisir eisini spurningin, hvørt teir hava kunnað tosað frítt.
Allir eru skuldsettir eftir einari revsirammu um yvirgang, sum kann geva teimum lívslanga forgsulsrevsing.
Á tíðindafundinum kunngjørdi Dmitrij Peskov, at russiski forsetin, Vladimir Putin, skal hitta trygdartænastuna fyri at tilrættaleggja fleiri trygdartiltøk.
Tað er tíðindastovan NTB, sum í dag endurgevur russiskar miðlar.
