Ísraelski forsætisráðharrin, Benjamin Netanyahu, fer til Washington í morgin, sunnudagin.
Her skal hann hitta amerikanska forsetan, Donald Trump, í Hvítu Húsunum mánadagin.
Tað veit tíðindastovan CNN at siga í kvøld, og kelda er skrivstovan hjá ísraelska forsætisráðharranum.
Teir báðir leiðararnir fara at tosa um toll, gíslar í Gazageiranum og um viðurskiftini millum Ísrael, Turkaland og Iran.
Sambært Reuters fara teir eisini at tosa um altjóða revsirættardómstólin, ICC.
ICC hevur nevniliga sent út handtøkuboð av ísraelska forsætisráðharranum fyri eitt nú krígsbrotsverk.
