Norska prinsessan Märtha Louise og amerikanarin Durek Verrett giftust í dag.
Tað váttar tíðindaábyrgdarin fyri brúdleypið, Simon Eriksen Valvik, fyri norsku tíðindastovuna NTB.
Prinsessan sást koma til brúdleypsteltið umleið klokkan 14 sást aftan fyri hvítar borðdúkar, sum vóru settir upp sum skermur.
Hon var í einum siðbundnum hvítum brúðarkjóla og hevði eitt diadem, sum hon fekk frá abba sínum, Olav kongi, til sín 18 ára føðingardag.
Hon varð førd inn í tjaldið av dóttrini Maud Angelica, skrivar norska TV2.
Sambært skránni skuldi brúdleypið verið byrjað klokkan 13.
Sambært miðlafólkinum vóru tað "nógv smáting", sum elvdu til seinkingina. Hann sigur ikki hvørjar.
Märtha Louise kom inn í vígslutjaldið fjald av einum hvítum lørifti klokkan 14. Tó bar til at fáa eitt glimt av norsku prinsessuni.
Sjálvt brúdleypið fer fram í bygdini Geiranger, sum er umgyrd av fjøllum og vakrari náttúru.
Brúdleypsveitslan stutt hagani á Hotel Union.
##med2##
Bert bretska Hello Magazine hevur loyvi at vísa brúdleypið. Tað hevur fingið atfinningar frá norskum fjølmiðlum, sum halda, at tað brýtur við siðvenjur í norska kongshúsinum.
Brúdleypshaldið byrjaði hósdagin við veitslu í Ålesund, og fríggjadagin fóru gestirnir og brúðgómurin til bygdina við báti.
##med3##
Harald kongur og Sonja drotning komu til Geiranger seinnapartin fríggjadagin við norska kongsskipinum, har tey skulu búgva um brúdleypsvikuskiftið, sambært NTB.
Märtha Louise prinsessa er elst av teimum báðum børnunum hjá norsku kongshjúnunum, men hon er ikki næst í røðini at arva norsku trónuna.
Hetta kemst av, at tað bert var mannlig arvafylgja til norsku trónuna, tá hon varð fødd í 1971. Hon er í dag nummar fýra í norsku skiftilinjuni.
Hjúnini hava fleiri ferðir vakt ans.
##med4##
Durek Verrett hevur ofta uppmerksemi orsakað av sínum sjálvrópta sjamansheiti og fleiri undrunarverdum útsøgnum.
Millum annað pástóð hann, at hann undir korona-farsóttini hevði verið grøddur av sjúkuni av eini medalju.
/ritzau/
