Frá Filmsfelagnum:
Mikukvøldið 9. apríl sýnir Filmsfelagið ”Dreymar”.
Norski filmurin, sum vann tríggjar virðislønir á stóru filmstevnuni í Berlin, teirra millum fyrstu virðislønina, ið er Gylta Bjørnin, er um seytjan ára gomlu Johanne, sum forelskar seg í nýggja læraranum í fronskum, Johanna.
At halda fast í kensluni, skrivar hon alt niður.
Men tá mamman og omman síggja tað, hon hevur skrivað, verða tær fyrst forfardar og síðan hugtiknar av hvussu væl kenslan er lýst í dagbókini. Men hvat er í veruleikanum farið fram millum Johonnu og læraran? Og skal søgan gevast út í bók?
Hetta er ein filmur í trípartarøðini hjá Dag Johan Haugerud (f.1964) Sex Dreymar Kærleiki, ið eru tríggir filmar um girnd, samleika og longsulin eftir frælsi, sum eru leysir av hvørjum øðrum og kunnu síggjast hvør sær.
Næsti filmur í Filmsfelagnum er hin nýggi hjá Sakaris Stórá ”Seinasta paradís á jørða”. Sum nakað nýtt verður artist talk, og høvi hjá teim møttu, at seta leikstjóranum spurningar. Sýningin er almenn.
Filmsfelagið 9/4 Kl 20:30 Dreymar (Dag Johan Haugerud Noreg 2025 110 min)
