Mikudagin var Jóhan Christansen, landsstýrismaður í fiskivinnu- og samferðslumálum, á kunnandi fundi í Nes kommunu.
Landsverk hevur ábyrgdina av einum parti av vegakervinum í Nes kommunu.
- Vit hava avbjóðingar og í ávísum førum sera, sera stórar avbjóðingar við landsvegakervinum í kommununi.
Soleiðis siga tey í Nes kommunu í dag eftir vitjanina av landsstýrismanninum.
Súni í Hjøllum, borgarstjóri í Nes kommunu, kunnaði landsstýrismannin um viðurskiftini og tær størstu avbjóðingarnar á landsveganetinum.
- Við hesum fundi ynskti kommunan at siga nýggja landsstýrismannin frá, at vit vilja vera ein góður viðleikari til tess at finna skilagóðar loysnir.
Nes kommuna takkar nýggja landsstýrismanninum fyri vitjanina og ynskir honum blíðan byr í avbjóðandi starvinum.
