SAS-flogfarið var á veg úr franska býnum, Nice, tá eitt av ferðafólkunum hevði brúk fyri læknahjálp.
Tað veit svenska ávísin, Expressen, at siga nú seinnapartin.
- Tað var eitt av ferðafólkunum umborð í flogfarinum, sum hevði brúk fyri bráðfeingis læknahjálp.
Eitt talsfólk fyri SAS, Knut Morten Johansen, sigur, at støðan var so mikið álvarslig, at flogfarið noyddist at lenda so skjótt sum tilbar.
- Tí lendi flogfarið, sum annars skuldi úr Nice til Keypmannahavnar, í München, soleiðis at ferðafólkið kundi fáa læknahálp.
Einki verður sagt um, hvussu tað gekk hjá ferðafólkinum, sum kom á sjúkrahús í týska býnum.
