Flestu partrolarapør eru til fiskiskap, og flestu koma inn at landa í næstu viku.
- Øll skipini fiska upsa, men fáa eisini eitt sløð av hvítum fiski, serliga longu og hýsu. Fiskiskapurin er smáligur.
Tað vita tey á Fiskamarknaði Føroya at siga.
Eingin djúpvatnstrolari er til fiskiskap í løtuni. Teir báðir, sum plaga at vera úti, liggja.
Tað er heldur eingin trolbátur til fiskiskap í løtuni. Veðrið er ov vánaligt til smáu trolbátarnar.
- Ivasamt er, nær trolbátarnir loysa aftur, verður lagt aftrat.
Tvey garnaskip eru á svartkalvaveiði, og eitt garnaskip fiskar havtasku.
- Øll trý skipini hava brúkiligan fiskiskap og koma inn at landa í næstu viku, vita tey á Fiskamarknaði Føroya at siga.