- Allir partrolararnir eru til fiskiskap, og skipini hava góðan fiskiskap. Nøkur pør koma inn at landa í næstu viku.
Tað vita tey á Fiskamarknaði Føroya at siga í dag.
Um djúpvatnstrolararnar verður sagt, at ein ísfiskatrolari er á Íslandsrygginum og fiskar tosk. Teir koma inn at landa mánadagin.
- Ein frystitrolari fiskar svartkalva, og restin av djupvatnstrolarunum liggja við bryggju.
Av teimum smáu trolbátunum er ein á Skeivabanka, og ein er eystanfyri. Teir fiska havtasku og hava brúkiligan fiskiskap.
- Tveir trolbátar eru norðanfyri og fiska tosk og hýsu. Teir hava smáligan fiskiskap.
Allir trolbátarnir koma inn at landa mánadagin.
Lagt verður aftrat, at tvey garnaskip fiska svartkalva, men skipini hava smáligan fiskiskap, vita tey á Fiskamarknaði Føroya at siga í dag.
