- Í løtuni er eitt ísfiskalínuskip til fiskiskap, og skipið kemur inn at landa í morgin.
Tað vita tey á Fiskamarknaði Føroya at siga. Skipið hevur mest av hýsu og toski.
Tey stóru ísfiskalínuskipini eru nú so fá, og tað er mest sum bara tað eina, sum ger túrar í løtuni.
Hinvegin eru frystilínuskipini fleiri, og í løtuni eru tíggju frystilínuskip til fiskiskap, tey flestu á útlendskum leiðum.
Í løtuni fiska fimm línuskip í íslendskum sjógvi, og eitt fiskar í Eysturgrønlandi. Haraftrat eru fýra frystilínuskip undir Føroyum.
- Frystilínuskipini fáa mest av toski, hýsu, longu og brosmu, og væntandi kemur okkurt frystilínuskip inn at landa í komandi viku.
##med2##
Á Fiskamarknaði Føroya vita tey at siga, at streymurin verður harður, men batnar, sum næsta vika gongur.
- Veðrið verður einki serligt, so vit vænta ikki nógvan útróður. Kanska loysa onkrir av teimum størru bátunum.
- Útróðrarbátar við línu fáa mest av toski og hýsu og teir, sum fiska við snellu, fáa nógv mest av toski og eitt sindur av upsa.
