Sunnvá stillaði upp til seinasta býráðsval á listanum hjá Sambandsflokkinum. Hon bleiv nr. 2 á listanum aftanfyri Annfinn Brekkstein, sum varð valdur í býráðið.
Hetta er fyrstu ferð Sunnvá tekur sæti á býráðsfundi, men neyvan seinastu ferð. Sum nevnt er hon fyrsta varafólk hjá Annfinn Brekkstein í Tórshavnar Býráð. Hon tekur sostatt sæti á býráðsfundi, tá Annfinn er burturstaddur.
Sunnvá Dahl Høgfeldt er annars ommudóttir Katrin Dahl úr Hoyvík, sum sat í Tórshavnar Býráð fyri Fólkaflokkin frá 1988 til 2000.
