Á Fiskamarknaði Føroya vita tey at siga, at eitt av teimum smærru ísfiskalínuskipunum er til fiskiskap í løtuni.
- Teir fáa mest av hýsu og toski og koma helst inn at landa fyrst í næstu viku.
Samstundis, sum fá ísfiskalínuskip eru til fiskiskap, eru ístaðin níggju frystilínuskip úti í løtuni, og øll fiska í føroyskum sjógvi.
- Frystilínuskipini fáa eina blanding av toski, longu og brosmu - og so nakað av øðrum fiskasløgum.
Streymurin verður brúkiligur í vikuni, sum kemur, men hann harðnar, sum vikan gongur. Veðrið verður umskiftandi.
- Vit rokna ikki við nógvum útróðri, men teir størru bátarnir gera helst onkrar túrar.
Lagt verður aftrat, at útróðrarbátarnir fáa mest av hýsu og so nakað av toski.
