Myndugleikarnir í Suðurkorea hava sett í verk kanning av bilaframleiðaranum Hyundai, eftir at trý fólk doyðu undir eini biltest.
Tað upplýsir løgreglan fyri tíðindastovuni Reuters.
Tey trý fólkini vórðu funnin í óviti inni í einum bili umleið klokkan 15 lokala tíð, meðan tey vóru í ferð við at royna bilin inni í einum testkamari.
Sambært Reuters skriva lokalir miðlar, at fólkini vóru kvald.
Ein løgreglumaður greiðir frá, at løgreglan hendingina og orsøkina.
Í eini fráboðan harmast Hyundai um hendingina, sum hendi á verksmiðjuni hjá bilframleiðaranum í Ulsan.
Samstundis boðar Hyundai frá, at tey fara at samstarva við allar viðkomandi myndugleikar um at avdúka orsøkina til hendingina.
Verksmiðjan í Ulsan er tann størsta hjá Hyundai. Hon hevur egið havnavirki og hevur eina árliga framleiðsluorku uppá 1,4 milliónir bilar. Av hesum eru 1,1 milliónir útfluttir.
Í november 2023 fór Hyundai undir at byggja eina nýggja stóra verksmiðju í Ulsan til at framleiða el-akfør í Suðurkorea.
/Ritzau/
