- Ukraina fer ongantíð at yvirgeva seg.
Tað sigur ukrainska uttanríkisráðið í einari útsøgn, nú túsund dagar eru farnir, síðan Russland gjørdi innrás í grannalandið.
Sambært AFP-tíðindastovuni sigur ukrainska uttanríkisráðið, at russiski herurin fer at verða sektaður fyri brot á fólkarættin.
Hin 22. februar komandi ár verða liðin trý ár, síðan russiska hervaldið gjørdi innrás í Ukraina.
Í løtuni er einki, sum bendir á, at Russland ætlar at taka síni herfólk úr aftur grannalandinum.
