Sambært Reuters upplýsir týski verjumálaráðharrin, Boris Pistorius, hetta.
– Eingin trýr, at hesir kaðalar eru kliptir av tilvild. Eg trúgvi heldur ikki, at akker av tilvild elvdu til skaðan á kaðalarnar, segði Boris Pistorius týsdagin áðrenn fund við hinar verjumálaráðharrarnar í ES í Brússel.
Tveir datakaðlar, sum eru millum Finnland og Týskland og millum Svøríki og Litava, fingu skaða.
Ógreitt er, nær tað hendi, men órógv varð skrásett í tí eina kaðalinum, sum gongur millum Svøríki og Litava sunnumorgunin.
/Ritzau/
