- Hetta eru góð tíðindi frá verjumálaráðharranum, Rustem Umerov, sigur ukrainski forsetin.
Volodymyr Zelenskyj vísir á, at Abram-stríðsvognarnir nú skulu styrkja ukrainsku herliðini.
- Eg eri takksamur fyri, at okkara sameindu hava gjørt tað, tey hava lovað okkum, sigur forsetin.
Síðstu nátt leyp russiski herurin enn einaferð á havnarbýin, Odessa við Svartahavið.
Álopið hevur verið til umrøðu í ukrainsku stjórnini í dag, verður upplýst á boðtænastuni, Telegram.
- Vit eru eisini farin at fyrireika okkum til veturin, sum liggur fyri framman, sigur ukrainska stjórnin í dag.
Oleksij Reznikov, sum var verjumálaráðharri í Ukraina, varð herfyri skiftur út við Rustem Umerov.
Vit kunnu leggja aftrat, at Rustem Umerov kemur av Krim-hálvoynni, sum russar tóku frá Ukraina í 2014.
Rustem Umerov er nýggjur verjumálaráðharri í Ukraina.
