Tíðliga í morgun fekk løgreglan eina fráboðan um, at ein útróðrarbátur í nátt hevði siglt á Glyvursnes.
- Sambært MRCC fór hendingin fram um 03.30-tíðina. Teir høvdu verið í samband við skiparan á bátinum, og her var einki illgrunavert.
Vaktleiðarin visti í morgun at siga, at tá einki illgrunavert var uppi í hesi hending, gjørdi løgreglan ikki meira burtur úr málinum.
Sum skilst, hevði maðurin, sum var á bátinum, havt trupulleikar við sjálvstýraranum, sum helst var orsøkin til, at hann sigldi á land.
